අද ඉදන් හැමදාම උදේට client ල නැත්තම් මම දුවන්න සහ ඇවිදින්න යන්න තීරනය කරා 3km වගේ. Trip එකට පස්සෙ බර වැඩිවෙලා තියෙනවා ඉතින් ඒක අඩු කරගෙන ආපහූ සාමාන්ය range එකට එන්න ඕනෙ.
ඉතින් අද උදේම නැගිට්ට 6am ට එලාම් එක තියල ඊයෙ රෑ නිදාගන්න ගියෙ. එතකොට අඩුම පැය 6ක් නිදාගන්නවා. ඒත් තව ටිකක් නිදාගන්න හිත කියනවා. ඒක ඒත් මගේ ඔරලෝසුව කියනවා "නැගිටපිට නැගිටපිට කියල". ඒ අතරෙ හිත කියන දේ කරන්න උදව් කරන්නම වගේ ඔන්න වහිනවා. හරි එහෙනම් නිදාගමු. හැබැයි මම කරන එක දෙයක් තමයි alarm එක ඔෆ් කරන්නෙ නෑ 15min කල් දානවා.ඔන්න ඔහොම ඉතින් ඔරලෝසුව මගේ අත වයිබ්රේට් කර කර 4 පාරක් වද දෙනවා. 
ඔන්න 4 වෙනි පාරට ඒකියන්නෙ හරියටම 7am ට , එක්කො බෑ හිත මේ කරන්නෙ අර හැමෝටම යම් දෙයක් කරද්දි "බෑ , අමාරුයි, පස්සෙ කරමු" කියන මේ දේ නේද කියල හිතෙනවා. එක පාරම නැගිට්ට පහල තට්ටුවට ආව අපේ ඔලීනත් පහලට ආව. එයාට කිරි එකක් හදල දුන්න. මම කෝපි එකක් බිව්ව අර පොඩු caffeine shot එකකට. ගත්ත මෝටර් සයිකලේ ගියා කැස්බෑවෙ වැව රව්මට,
2 km දිවීම
1 km වේගවත් ඇවිදීම
Boxing සහ Muay Thai Heavy-Bag Rounds 3ක් කරා ගෙදර ඇවිත්.
ඊට පස්සෙ workout එක කරල පැයක් ඇතුලත ආහාර වේල• සුදු බත් 110 g
• කුකුල් මස් කරිය 100-150g
• සෝයාමීට් – 25 g
• පරිප්පු – 15 g පමණ
• කුඩා අලිගැටපේර ගෙඩියකින් භාගයක් තමයි මගේ අතුරු පස.(ආ මේකට මීපැනි ටිකක් දාගත්ත)
දල පෝෂණ අගයන් බලමු අපි..
කැලරි 535–600 kcal වගේ
ප්රෝටීන් 34–45 g
කාබෝහයිඩ්රේට් 41–48 g
මේදය 20–34 g(ටිකක් වැඩි වෙනවා අලුගැටපේර නිසා)
තන්තු 5–8 g වගේනෝන හදල තිබ්බෙ මේව එයත් වැඩ කරන ගමන්නෙ කෑම හදන්නෙ. නමුත් කොල ටිකක් එකතු කරගන්න තිබුනනම් හොදයි. ඒක අපි balance කරමු dinner එකකින් 6-7pm කාලය අතර තුර ගන්න. අද මට හවස session කීපයක් තියනවා fitgeek fitness centre එකේ. ඒකනිසා හවස 3ට කලින් පොඩි snack එකක් ගන්නවා. එතකන් ආපහු මොනවත් නෑ.
හොඳ පුහුණුවක් වගේම නිසි පෝෂණය සහ ප්රමාණවත් ජලයත් ප්රතිසාධනයට අත්යවශ්යයි . 
ඔයාලට තේරෙන්නෙ නැද්ද ඔයාල හරියට matrix එකක හිරවෙලා ඉන්නෙ කියල. හිත/මනස ඔයාට ඒ matrix එකෙන් පිටට පනින්න නැත්තම් කඩාගෙන යන්න දෙන්නෙ නෑ කියල. හැමවෙලාවෙම ඒක කරොත් බැරිවෙයි, මට කරන්න බෑ, නිදිමතයි ,කම්මැලියි , වැඩ්ක් කරන්න ගනිද්දිම එකපාරම පෝන් එක ඔබන්න පටන්ගන්නවා ඊට පස්සෙ පැයගානක් පෝන් එකේ. මෙන්න මේවගේ දේවල් තමයි ඔයාට මේ matrix එක කඩන්න දෙන්නෙ නැත්තෙ. ඉතින් මම මේක කඩාගෙන ඉස්සරහට යන්න හදන hacker කෙනෙක්. වැඩේ අමාරුයි ඒත් අපි කොහොම හරි ගේමක් ගහමු යාලුවනේ..
ස්තූතියි
FITGEEK
International certified fitness trainner and nutritionist (NVQ4 , UK CPD, ISSA) | Engineering consultant (Bsc(Hons) in Moratuwa University)| Muay thai (student under Kru Association,Thailand) | Yoga Instructor (reading)
No comments:
Post a Comment